Ez da konprenitzen ahal gerra!  Cherche’ pas à comprendre!  View larger

Ez da konprenitzen ahal gerra! Cherche’ pas à comprendre!

Begoña Durruty

978-84-16791-12-5

berria

18,00 € BEZ barne

  • Liburu honetan Durrutitarron historia kontatzen dut. Frantzia eta Espainia zatitzen duen mugaren inguruko bi aldeetan bizi den familia. Gurea beste bat baino ezta, ziur nago Pirineo mendi katearen zehar holako ixtorio franko badela. Bazter hauetan joan zen mendea izugarri bortitza izan zen. Gerlak izan ziren bata bertzearen gibeletik: Gerla Haundia, Bigarren Munduko gerla, Españiako gerla, Indotxina eta Aljeriako independentzi gerlak. Ez zen eskapatzeko modurik, batean ez bazen bertzean suertatzen zen parte hartu behar izatea. Gerlek eta hauek eragin zuten harat hunateko jende pasak, zenbait belaunaldietan, famili aunitzen bizia baldinzatuko zuten. Gaur siñestezinak iduritzen zaizkigun holako bizipenak, gure herriaren talde memorian errotuak egon dira luzez, ez ditugu nolanahi galtzen uzten ahal. Hemen eztago fikziorik, gure aitaren testigantza zuzena baliatu dut. Ezta batere errexa izan, alde batetik informazio gehiegi izan dut esku artean eta bertzetik aitaren alaba naiz, behar bada, harreman estuegia liburuaren protagonistarekin... Liburu honek aitarekin inoiz ez bezala solasean aritzea eskatu dit eta aitortu behar dut arras pollite izan dela berarekin ele xaharketan aritzea. Esker mil aunitz aitetxo!

    Begoña Durruty.

Sail honetako beste zenbait aukera: