IPUIN IRAKURRIA HEMEN

Lesterrek logika oso arrazoizkoa du, baina batzuetan ez da erraza baten logika besteei ulertaraztea. Lester, izan ere, mutiko serio bat da, nahiz eta umore handia izan, eta hamar urte betetzeko amorratzen dago, hamar urterekin ume bat gazte serioa bilaka litekeelako, eta denek serio har dezaten aukera gehiago dituelako. Gazte serio bat izango da laster Lester.

Galtzetako patriketan harriak eramatea, esaterako, oso logikoa da Lesterrentzat, baina ez bere amarentzat, amak ez baitu konprenitzen haize handia dabilenean zer garrantzitsuak diren poltsikoak harriz beteta eramatea; hartara, haizeak ezin baitzaitu eraman. Bere logikak bultzaturik oso arrazonamendu interesgarriak egiten ditu Lesterrek: Normalaren antonimoa da berezia eta denok gara bereziak. Baina horrek ez du esan nahi anormalak garenik.