Catherine Certitude View larger

Catherine Certitude

Patrick Modiano

978-84-9746-998-2

10,00 € BEZ barne

Gogokoen zerrendan sartu

  • Egilea: Patrick Modiano

    Deskribapena:

    Bi mundutan bizi da Catherine Certitude neska koxkorra; betaurrekoak janzten dituenean mundu erreala ikusten du, gogorra, ertzez beterikoa. Eranzten dituenean, berriz, lainotsuago, goxoago ikusten du dena, xarma berezia dauka munduak orduan.

    Aitarekin Parisen pasatutako haurtzaroko urteak ere bereziak izan ziren. Orduko oroitzapenak kontatzen dizkigu Catherine Certitude helduak liburu honetan. Ama, amerikarra jatorriz, New Yorken dantzaria zen. Bera eta aita, berriz, aitaren lana zela eta, Parisen bizi izan ziren urte batzuk, eta urte haiek dira, hain zuzen ere, gogora ekarriko dituenak.

    Aitarekin zuen konplizitateak irribarrea sortzen du pasadizo batzuetan, eta benetako emozioa besteetan. Bigarren mailako pertsonaiak, berriz, ezinbestekoak dira istorioa testuinguru jakin batean kokatzeko (Casterade jauna, adibidez, aitaren negozio susmagarrietako bazkidea; edota Galina Dismailova, neskaren dantza irakaslea, ustez Errusiatik etorritakoa, baina, errealitatean, frantziar peto-petoa).

    Haien bitartez, garai hartako gizarteari kritika zorrotza egiten zaio. Kontakizun laburra da, itxuraz sinplea baina sakonean gai asko ukitzen dituena, ironia eta umore fina erabiliz.

    Modianok Nobel Saria jaso zuen 2014. urtean, eta liburu txiki hau aukera ezin hobea da haren lanera hurbiltzeko. Sempé handiaren ilustrazioek osatzen dute liburua; xehetasunez betetako akuarela goxoak dira, eta maisuki irudikatzen dute 60. hamarkadako Paris hura.

    Liburu honek sentimendua dauka, eta nostalgia ukitu batekin kontatuta dago. Catherinek bezala, mundua beste begi batzuekin ikusteko, ideia ona da batzuetan betaurrekoak erantzi eta amets egitea.

Akaso hau ere interesatzen ahal zaizu: