Egilea: Manolo Hidalgo

Deskribapena:

“Orentzi oso POZIK sentitzen zen azkenik negua heltzen zenean. Oso atsegin zuen bere lagunekin elurretan JOLASTEA eta lerarekin zuhaitzen artean irristatzea. Nahiz eta batzuetan… horrek ARAZOAK ekartzen zizkion.” Orentzi triste jartzen da adarrak basoko zuhaitzetan korapilatzen zaizkiolako, eta horren ondorioz beste animalia batzuek adarra, zer bestela, jotzen diote. Irtenbidearen bila, konturatuko da zenbait arazo, azken finean, hutsaren hurrengo direla “benetako” problemekin konparatuta.

Orentzi liburuaren edizio berria formatu txikiagoan eta kartoi gogorreko orriekin aurkezten da, txikienei irakurketa errazteko. Manuel Hidalgoren album honen ezaugarririk nabarmenenak pertsonaien samurtasuna eta testuaren erraztasuna dira. Irudien indar plastikoak hitzak ordezkatzen ditu zenbait orrialdetan, inolako arazorik gabe. Diseinu erakargarriko irudi adierazkor eta eskematikoak izanik, nahikoa dute gorri, zuri eta beltzean oinarritutako eskala kromatikoa beren funtzioa betetzeko.