Egilea: Rick Riordan

Deskribapena:

Antzinako Egiptoko jainkoak mundu modernoan askatu zituztenetik, Carter Kane eta bere arreba Sadie istiluetan sartuta ibili dira etengabe. Bizitzaren Etxeko ondorengoak direlarik, Kanetarrek badituzte erabil ditzaketen botere batzuk; baina jainko maltzurrek ez diete astirik eman mago gazteen entrenamendu-tokia den Brooklyngo Etxean beren gaitasun berrietan trebatzeko.

Eta orain, Carterrek eta Sadiek inoiz izan duten etsairik gaiztoena ari da altxatzen: Kaosaren sugea, Apofis. Kanetarrek eragozten ez badute, egun gutxiren buruan Apofis erabat libre geratu, eta mundua bukatu egingo da. Beste hitzetan esanda, aste normal bat da Kanetarren familiarentzat...