Familia osoak ikusteko filma. Baita ikastetxeetan ere. Basamortuan bizi den Sidi sahararra arreba sendatuko duen gaueko lore baten bila abiatu da, ibilbide horretan Euskal Herrira iritsiz. Hala ere, ez du lorerik aurkitu Madame Banuk eta bere bi laguntzaile baldarrek munduko lore guztiak bereganatu dituztelako. Hiru maltzur horiek ongi ezagutzen dute lorearen boterea eta ilargiak gordetzen duen sekretua. Pirritxek, Porrotxek eta haurrek beren adiskide berriari lore bat lortzen lagunduko diote eta ilargiraino bidaiatu beharko dute horretarako.