Egileak: Fernando Morillo + Xanti Rodriguez Zumarraga

Deskribapena:

Itzalen sua liburua da… Barkatu. Ez da liburua: testuari estu besarkatuak eta haren gainetik dabiltza hegan ilustrazio zinematikoa eta interakzio artistikoak, infografia eta musika, estilismoa, makillajea eta antzezpena. Asko batean. Mari jainkosa, Sugaar dragoia, Gaueko, Aker, Sorgin, Basajaunak… Betiko euskal mitologia gure mundura jaiotzen deneko abentura hutsa, ez jada gaurko begiradarentzat, iristear zaigun beste zerbaitentzat baizik. Entzuten duzue, ezta? Hain zuzen ere: etorkizuna da.