Egilea: Xabier Montoia

Deskribapena:

Xabier Montoiaren laugarren liburua den arren, estrainekoz eusten dio eskuartean duzun honekin kontatzearen hitzari, lehendabiziko narrazio liburua bait du hau, kronikatik hain hurbil dagoen nobela hau. Gaztetxea, rock radikal taldeak, betiko tabernako betiko koadrila, prentsa horiko kazetari zuria, poliziak eta ertzainak, politiko boteretsu bezain ahulak eta prostituta jonkia dira Montoiak elkarren artean behin eta berriro nahasten eta askatzen dituen pertsonaiak, komedia bat osatuz. Desagerketa bat haritzat, tentsio uneari egoki eutsiz eta umore onez eta ironia zorrotzez lotzen duen istorioa da "Non dago Stalin?" ezagun zaigun mundu baten kronika posibleetako bat. Litekena. Fikzioa baldin bada, errealitateari esker bait da