Egilea: Garazi Albizua

Deskribapena:

Nobela historiko hau bereziki gazteei zuzendua dago. Eta aurrekari hauekin hasten da:1327. urtea da. Nafarroako Erresuma tenkatuta dago. Barne eta kanpo politiken tirabirek etengabeko borroka batean murgildu dute nazio nafarra.

XIV. mende barrenean, gabeziaren aroan, pobrezia era askotarikoa da. Jatorrikoa: herriek gutxi dute eta gutxirekin egin dute aurrera. Eta inposaturikoa: kanpo eta barneko botere nahiek ezarritakoa. Nafarroako erresumaren ipar mendebaldean Iberoko burdinolaren burrunba galtzadatik sakabanatu, eta lurralde osotik hedatu da. Burdinola Leitza eta Goizueta bidean kokatuta dago, gaizkileen galtzadan. Eremu horretako aberastasun iturri nagusiena da, baina ez hori bakarrik, bidea zelatatzen du. Bastioia da, bertako gaiztotasunari aurre egiteko lekuko bortitza[…]