Mc Atxagen dama ingelesak kontatzen duen ipuina. Behin batean baziren Londresen txito batzuk oso-oso zinezaleak. Hain zinezaleak, nahiago zuten zinea ikusi beste ezer egin baino. Afaldu baino ere nahiago zuten filma bat ikusi.

Ez zituzten film guztiak berdin maitatzen, hala ere. Maitasunezkoak baino nahiago zituzten abenturetakoak. Eta abenturetakoetan, behizale edo bakeroetakoak. Eta guztien gainetik, Bakarty James-enak. O! Bakarty James, Bakarty James!!! Hamar txitoen eta irakurle guztion heroi: Bakarty James!