Egilea: Edurne Dikinson

Deskribapena:

Liburu ilustratu honetan, 80ko hamarkadako Berlineko azpikulturako musika-eszenan murgilduko gara. Blixa Bargeld eta Einstürzende Neubauten izango ditugu bidelagun, soinu industrialaren aitzindariak eta Europako abangoardiaren legenda biziak direnak. Beraien urte apokaliptiko eta iraultzaileetan jarriko dugu arreta, Neue Deutsche Welle eta postpunk alemaniarraren loria distopikoa ohoratuz. Blixa Bargeld da Einstürzende Neubaten taldearen alma materra,  heriotzaraino oihukatzen dituen metafora boteretsuen egilea, alegia. Taldea, berriz, musika konbentzionala suntsitzeko muskulu metalikoa da. Baina, zer da Zeruko Azken Piztia? Paraleloko eguzki-sistema bateko energia-konstelazio bat. Eguzki eraginkorra, erre egiten duena argiztatu baino gehiago.