Egilea: Metrokoadroka

Deskribapena:

Joan Mari Torrealdai Euskaldunon Egunkaria auzian atxilotu zutenean, bere artxibo profesional eta pertsonala kendu zion Guardia Zibilak. "Biluzik utzi ninduten, ez fisikoki, bai intelektualki” idatzi zuen kartzelatik Torrealdaik. Pentsamendu horretatik abiatuta, Metrokoadroka kolektiboak biluztasun intelektuala zer den, norberaren artxiboak, historia, memoria zergatik diren garrantzitsu gogoetatu du eta 'Artxibo biluzia' antzezlana eta izen bereko liburua osatu. Danele Sarriugarte idazlearen, Nagore Legarreta argazkilariaren eta Maria Elorza zinemagilearen ekarpenak daude liburu honetan. Metrokoadroka kolektiboak Jakin Fundazioak eta Usurbilgo Udalak antolatzen duten Joan Mari Torrealdai beka jaso zuen lan hau dena egiteko.