Egilea: Arantzazu Sagarzazu Sacristan

Deskribapena:

Gure Bazterrak taldekoek lan berria argitaratu dute. 2021.urtean, 100 lagun baino gehiagoren partehartzearekin, herriko ondare etnografikoa aztertu zuten Erreusak egitasmoan (herriko 80 baserri, etxe, eskulantegi eta elkartek gordetako objektuen inguruko datu-bilketa eta nagusiei egindako 30 elkarrizketa, jardunaldiak, formakuntza saioak… ). 1540 piezaren katalogazioa eta 30 elkarrizketa baino gehiagoren ondoren, ikusi eta ikasitakoarekin liburu bat osatu da, herritik jasotakoa herriari itzuli asmoz.