Egilea: Iñigo Lopez Simon

Deskribapena:

Industria iraultzaren ondoren, betiko aldatu zen Bilbo. Harresiak desagertu, eta itsasadarraren ertzetan zehar hedatu zen. Hainbat aldaketa bizi izan zituen hiriak, baina horixe izan zen sakonenetako bat. Liburu honetan lekukotza grafiko ugari bildu dira, XIX mende erdialdetik XX mende hasierara bitartean azaleratzen ari zen hiri industrialaren isla. Kai eta azoketako jarduera frenetikoa ikusiko dugu, baita Alde Zaharreko eta Zabalgune aberatseko eguneroko bizitza ere. Itsasadarrean barreneko bidaia bat, inoiz itzuliko ez den iraganeko Bilbon barrena.