Egileak: Itziar Aduriz, Aintzane Agirrebeña, Xan Aire, Amaia Alvarez Uria, Nora Aranberri, Agurtzane Azpeitia Eizagirre, Maia Duguine Haristoy, Ainara Estarrona, Urtzi Etxeberria, Rikardo Etxepare, Itziar Gonzalez Dios, Orreaga Ibarra, Aritz Irurtzun, Aitor Lizardi, Oihana Lujanbio Begiristain, Manex Munduate, Elixabete Perez, Urtzi Reguero, Gotzon Santander, Asier Sarasua Aranberri, Iñaki Segurola, Larraitz Uria Garin, Ruben Urizar Enbeita, Edu Zelaieta Anta, Esther Zulaika.

Deskribapena:

Berrogeita hamar bat hizkuntzalari bildu ginen 2013ko uztailaren 4an Eibarren «Hizkuntzalari Euskaldunen I. Topaketa. Egungo Ikerlerroak» izenburua zuten jardunaldietan. Hizkuntza aztergai duten ikertzaile euskaldunak biltzea zen helburua, hainbat jakintza-arlotan abian diren proiektuei edota ikasleak egiten ari diren (edo egin berri dituzten) tesi-lanei leku eginez. Hala, ekarpenak askotarikoak izan ziren bertan, besteak beste, hizkuntzalaritza teorikoaz zihardutenak, ahozkotasuna aztergai zutenak edo hizkuntzalaritza konputazionalekoak. Horiek guztiak jaso nahi ditu liburu honek eta kontsultagai jarri interesa duen ororentzat.