Egilea: Carmen Moreno

Itzulpena: Oihana Lopez Cestao

Deskribapena:

Zure haurraren jaiotzak harro eta pozik gogoratuko duzun esperientzia aberasgarria eta positiboa izan behar du. Lasai egotea eta seguru sentitzea ezinbestekoa da erditzeak modu naturalean aurrera egin dezan. Irabazi konfiantza erditzeko gaitasunean, eta ordezkatu erditzearen gainean duzun beldurra eta antsietatea, konfiantzagatik eta segurtasunagatik. Hipnoerditzeak edo hypnobirthingak erditzearen pertzepzioa aldatzen du, informazio eta ariketa praktikoen bidez. Liburuan 11 ariketa, ebidentzia zientifikoan oinarritutako 21 atal informatibo eta meditazio audio gidatu bat aurkituko dituzu. Ikerketa ugarik frogatu dute hipnoerditze bidezko prestakuntzak:

- Erditzeko esperientzia hobetzen duela.

- Analgesikoak hartzea murrizten duela.

- Erditze-prozesua bizkortzen duela.

Hau da, erditze laburragoak, ez hain mingarriak eta esperientzia positiboagoak. Gainera, hipnoerditze-teknikak aplikatzeak ez dakar inolako desabantailarik, ezta albo-ondoriorik ere.

Liburu honek eta osagarri duen audioak honako hauek eskaintzen dizkizu:

- Haurdunaldian zehar praktikatzeko erlaxazio sakoneko teknikak, beldurrak eta zalantzak zure gorputzarekiko eta senarekiko konfiantzagatik ordezkatzen laguntzeko.

- Gidatutako meditazio-audioa (deskargatzeko jarraibideak liburuan)

- Ikasi zer rol jokatzen duen zure garunak erditzean, beldurrak ezabatzearen garrantzia ulertzeko - Ikasi nola funtzionatzen duten hormonek erditzean eta zergatik den hain garrantzitsua eroso eta seguru sentitzea erditzeak bere bidea egin dezan

- Masailezurraren eta zoru pelbikoaren arteko lotura

- Ezagutu erditzean ingurune intimo batean zaudela sentitzearen garrantzia eta ingurune egokia sortzeko eta mantentzeko modua.

- Erditzearen fisiologia

- Aldatu erditzeari buruzko pertzepzioak eta utzi eragotzi dezaketen aurreiritzi edo pentsamenduak joaten

- Beldurren ordez, baikortasuna eta erditzeko gaitasunean duzun konfiantza jartzen.

- Ikasi kontrolpean jarraitzeko teknikak, gauzek ustekabeko norabidea hartzen badute 

- Zure laguntzailearentzako atal bat, haurdunaldian eta erditzean nola lagun zaitzakeen azaltzen duena Liburu informatiboa eta praktikoa da, eta agertoki posible guztietan lagunduko dizu. Emakume guztiok merezi dugu amatasuna ahalik eta ondoen hastea. Goza ezazu liburu honekin.

Egilearen oharra: 2017an nire alabaz erditu nintzen. Erditzea izutzen ninduen gertaera bat izatetik bizi izan dudan esperientziarik aberasgarri eta positiboena izatera pasatu zen. Lehen aldiz, senarekin erabat lotuta sentitu nintzen. Haurdunaldiaren hasieran ezin nuen horrela erdituko nintzela imajinatu. Hipnoerditze teknikek nire beldurrak segurtasunagatik eta konfiantzagatik ordezten lagundu zidaten, eta nire senari jarraitzen. Nire esperientziaren ondorioz, prestakuntza jaso eta hipnoerditze-irakasle gisa jardun nuen (KGHypnobirthing-ek balioztatua, Erresuma Batuko Emaginen Errege Elkargoak babestutako titulazioa). Geroago, jaio aurreko hezkuntza-programa garatu nuen, Parto Positivo metodoaren bidez. Liburu honek ahalik eta erditze onena izateko behar diren tresna guztiak biltzen ditut, bai eta ebidentzia zientifikoan oinarritutako informazioa ere.

Hipnoerditzearen oinarria erditzea prozesu fisiologiko normala dela eta emakumeen instintu sakonenari lotuta dagoela da. Zure gorputzak, beste edozein ugaztunenak bezala, badaki nola erditu eta zure haurrak badaki jaiotzen. Gure buruari amain egin behar diogu, eta batzuetan hori da zailena. Nire asmoa ahalik eta ama gehienengana iristea da. Hipnoerditzeak zuri ere erditzearen pertzepzioa aldatzea espero dut. Zorioneko haurdunaldia, erditzea eta hazkuntza opa dizkizut!