Hautaketa: Koldo Izagirre

Deskribapena:

Albiste on batekin gatozkizue. Azken urteotan indartzen ari garen bidea da liburuen argitalpena. Jakinarazi nahi dugu liburu berria argitaratu duela ARGIAk apirilean. Euskal prentsak 1869tik 2000 urtera bitartean argitaratu dituen kronika gogoangarriak bildu ditu Koldo Izagirrek liburu honetarako. Beste herri eta kultura askotan beren kazetaritza lan fundazionalez gozatzeko aukera duten bezala, euskaldunok ere material hau eskura izango dugu aurrerantzean. Izagirrek eta ARGIAk beren gain hartu dute egin gabe genuen lan hau.

Kronika hauetan aurkituko ditugu atzerriak eta aberriak, gerrak eta kartzelak, elurrak eta itsaso zakarrak, bidaiak eta erromeriak… Nekez irakur zitezkeen lekuetatik atera eta liburuan bildu ditu Izagirrek.