Egilea: Joseba Aurkenerena

Deskribapena:

Euskal Herria pizteko gure mintzairaz gain, gure izaera, gure historia, gure kultura..., ezagutu behar ditugu, euskal nortasunaren ezinbesteko osagaiak baitira. Belaunaldi zaharretakook ukan ez duguna belaunaldi berrietakoek ukan behar dute, Herri gisa aitzina egin nahi badugu, bederen.

Eta borroka horretan Euskal Herri osoak, Iparrak eta Hegoak, aitzina egin behar dute, txanpon beraren bi aldeak baitira. Hauxe da liburu honen xedea eta horretan lagungarri bada, pozik izanen naiz, euskararen geroaz, Euskal Herriaren garaipenaz, Iparraldearen eta Hegoaldearen batasunaz sinesten baitut. Aitzina bada, eta Iparra galdu gabe! Geroak euskaldun eta aske ikus gaitzan!